सिद्धार्थनगर नगरपालिकाको परिचय

   लुम्बिनी प्रदेश,रूपन्देही जिल्लाको दक्षिणी भागमा अवस्थित सिद्धार्थनगर नगरपालिका नेपाल र भारतको सिमानामा पर्ने मुख्य प्रवेशद्वारहरु मध्य एक महत्वपूर्ण पर्यटकीय, व्यापारीक र औद्योगिक केन्द्रको रूपमा स्थापित छ । भगवान गौतम बुद्धको बाल्यकालको नाम सिद्धार्थ (सर्वअर्थसिद्ध) बाट यस नगरपालिकाको नामाकरण गरिएको छ । सांस्कृतिक परम्परा र मान्यताहरू साहित्य, भाषा, कला, धर्म, सस्कृतिको साझा संगमको रुपमा यस नगरपालिका रहेको छ । वि.सं. १९९० सम्म नगन्य रूपमा मात्र वस्तीहरू भएको यस नगरमा वि.सं. २०१० सालमा शान्तिनगरमा हवाई मैदान निर्माण भएपछि बस्ति विकासको गतिमा तीव्रता आएको पाईन्छ । वि.सं. २०२४ सालमा भैरहवा नगर पञ्चालयतको नामबाट औपचारिक रुपमा नगरपालिका घोषणा भएको थियो । वि.स. २०३३ साल देखि नगरपालिकाको नाम भैरहवा नगरबाट सिद्धार्थनगरमा रुपान्तरित भएको हो । 

मुलुक संघियतामा गईसकेपछि नगरवासीका आवश्यकतानुरुप विकासका क्रियाकलाप अगाडी बढाउन स्थानीय सरकार सञ्चालन ऐन, २०७४ का आधारमा नगरपालिकाले आफ्ना क्रियाकलापहरु सञ्चालन गदै आएको छ । नगरपालिकाको सवाङ्गीण विकासको लागि योजनाकर्ता तथा विकासकर्तालाई नगरको सवै क्षेत्रको वस्तुस्थितिको जानकारी हुनुपर्दछ । यसले विकासको अवधारणालाई सहभागितात्मक र लोकतान्त्रिक प्रक्रियासंग आवद्ध गर्न सहयोग पुर्याउछ ।